31.01.2017 11:09 Նատալյա Հովսեփյան
Տարածել հոդվածը. facebook twitter

Քաղաքական պոպուրի

Թրամփային Week End

Թրամփային Week End

Հանգստյան օրերին աշխարհում տեղի ունեցած հետաքրքիր եւ կարեւոր իրադարձությունների մասին՝ համառոտ։

ՉԻՆԱՍՏԱՆ։ Առյուծների ավանդական պարերով, տոնավաճառներով եւ թատերական բեմականացումներով Չինաստանը, արեւելյան օրացույցով, դիմավորել է Հրեղեն Աքաղաղի տարին, որը ընտանիք ստեղծելու համար խոստանում է բարենպաստ լինել։ Աքաղաղը երիտասարդություն, ուժ, հույս եւ մաքրություն է խորհրդանշում։ Վերջին անգամ Հրեղեն Աքաղաղի տարին նշվել է 1957 թվականին։

ԱՖՂԱՆՍՏԱՆ։ Երկրի շրջաններում կառավարական զորքի կողմից ամենաքիչը 18 զորային է ոչնչացվել, այդ թվում նաեւ «Իսլամական պետոթյուն» տեռորիստական խմբակցության 6 անդամ։ «Թալիբան» տեռորիստական շարժման 10 զորային ոչնչացվել է Զաբուլ նահանգում։ «Թալիբան» շարժման զորայինները կոորդինացված հարձակում են գործել Թարինկոտ քաղաքի պահակակետերի վրա, որի հետեւանքով 4 ոստիկան վիրավորվել է։ Բախման ընթացքում 7 թալիբ է ոչնչացվել, եւս 10-ը վիրավորվել։

ԻՐԱՔ։ Մոսուլում ԻՊ-ից ազատագրված արեւելյան մասում իպրիտ թունավոր նյութի պահեստ է հայտնաբերվել։ Մոսուլի այդ մասը ազատագրվել է անցած տարվա հոկտեմբերին, իրաքյան զորքի եւ ԱՄՆ-ի գլխավորած կոալիցիայի իրականացրած օպերացիայի արդյունքում։ Քաղաքի արեւմտյան մասը դեռեւս տեռորիստների հսկողության տակ է գտնվում։ Հայտնաբերված ռեզերվուարում քիմիական ռեագենտը թեստավորվել է ֆրանսիական մասնագետների կողմից, ովքեր հաստատել են, որ դա իպրիտ նյութն է։ Կանխատեսվում է, որ զորայինները պատրաստվում էին թունավոր նյութի եւ նրա կողքին պահվող զինամթերքի օգնությամբ քիմզենք ստեղծել։

ԻՍՊԱՆԻԱ։ Մալագայում ձերբակալվել է նեապոլիտանական Կամորա մաֆիայի լիդերներից մեկը։ Հայտնի է, որ նա պատասխանատու էր կոկաինի եւ հաշիշի միջազգային նարկոթրաֆիկի համար եւ գտնվել է միջազգային հետախուզման մեջ։ Միաժամանակ ձերբակալվել է AMATO-PAGANO մաֆիոզական կլանի խմբակցության 17 անդամ. կլանը հսկում է թմրադեղերի վաճառքի շուկան։

ՄԱԴԱԳԱՍԿԱՐ։ Անջոզոբորե քաղաքում հարսանեկան թափորի բեռնատարը կամրջից գետ է  ընկել, որի հետեւանքով 45 մարդ զոհվել է, 24-ը՝ վիրավորվել։ «45 մարդ, այդ թվում 9 երեխա, 27 կին եւ 9 տղամարդ, տեղում մահացել է, միաժամանակ 24-ը վիրավորվել է միջադեպի ժամանակ»,- հայտարարել է քաղաքապետը։ Բեռնատարը նորապսակների մոտ 70 ազգական էր տեղափոխում։ Վթարի պատճառն անհայտ է։

ԱՄՆ։ Նախկին նախագահ Բարաք Օբամայի դուստր Մալիան միացել է Keystone եւ Dakota Access նավթախողովակաշարերի կառուցման դեմ բողոքներին։ Մեկ շաբաթ առաջ, Մալիա Օբաման ներկա է գտնվել Յուտայում կայացած «Սանդենս» ամենամյա կինոփառատոնին, ուր հարյուրավոր այլ մասնակիցների հետ բողոքել է նախագահ Դոնալդ Թրամփի` խողովակաշարի կառուցման վերականգնման մասին հրամանագրերի դեմ։ Բողոքի ակցիայի ակտիվիստները կարծում են, որ այս նախագիծը բացասական կազդի խմելու ջրի որակի վրա եւ հնդկացիների «սուրբ հողերի պղծման» կհանգեցնի։ Երթուղին անցնում է Հյուսիսային եւ Հարավային Դակոտայի, Այովայի եւ Իլինոյսի միջով։

Նախագահ Դոնալդ Թրամփը հրամանագիր է ստորագրել, ըստ որի, ադմինիստրացիայի նախկին չինովնիկներին արգելվում է խրախուսել այլ երկրների շահերը, ինչպես նաեւ 5-ամյա սահմանափակում է դնում մնացած լոբբինգի վրա։ Որոշումը փոխարինում է նախկին նախագահ Բարաք Օբամայի հրամանագիրը, որը նախկին չինովնիկներին 2 տարվա ընթացքում արգելում էր զբաղվել լոբբինգով։

ԳԵՐՄԱՆԻԱ։ Բավարիայի Արշթայն քաղաքում երեկույթից հետո 6 երիտասարդի դիակներ են հայտնաբերվել։ Քրոջը եւ եղբորը, ինչպես նաեւ մնացածներին, մահացած վիճակում այգեգործական տարածքի նստարանին գտել է նրանց հայրը։ Հայտնի է, որ դիակների վրա բռնության հետքեր չեն հայտնաբերվել։

ԲԱՀՐԵՅՆ։ Բիլադ ալ-Կադեմում տեղի ունեցած տեռակտի հետեւանքով իրավապահ մարմինների աշխատակից է զոհվել։ Միջադեպի մանրամասները չեն հայտնվում։

ՄԱԼԱՅԶԻԱ։ Երկրի ծովափնյա մասում չին տուրիստներով լի նավ է սուզվել. փրկարարները 3 մարդու դի են հայտնաբերել։ Ավելի վաղ հայտնվում էր, որ փրկարարներին հաջողվել է ջրից դուրս հանել 25 չին տուրիստներին, եւս 6-ը անհայտ կորած է համարվել։ Կոտա-Կինաբալուից դեպի Մենգալում կղզի ուղեւորվող 28 տուրիստներով եւ անձնակազմի 3 աշխատակիցներով նավի հետ կապը կորել է հունվարի 28-ին։ Մեկ օր անց, այն հայտնաբերվել է Մալայզիական թերակղզում։

ՆԻԳԵՐԻԱ։ Երկրի հարավ-արեւելյան մասի ավտոմոբիլային մայրուղում տեղի ունեցած գնդակոծությունների հետեւանքով ամենաքիչը 7 մարդ է զոհվել։ Միջադեպը տեղի է ունեցել Մայդուգուրի-Բիու մայրուղում, որը երկրում ամենավտանգավոր մասերից է համարվում, քանզի այն սիստեմատիկ ենթարկվում է ռադիկալ խմբակցության կողմից հարձակումներին։ Նախնական տվյալներով, տեռակտն իրականացրել է «Բոքո Հարամ» տեռորիստական խմբակցության զորայիններից մեկը։

ԵՄԵՆ։ Հանգստյան օրերին կառավարական զորքերի եւ հուսիթ-ապստամբների միջեւ զինվորական բախումների հետեւանքով երկրում ավելի քան 100 մարդ է զոհվել։ Ըստ աղբյուրների, ամենաքիչը ապստամբների 90 դիակ է տեղափոխվել Հոդեյդ քաղաքի հիվանդանոց, 19-ը՝ Ադեն քաղաքի։

«Ալ-Քաիդա» տեռորիստական խմբակցության շտաբ-գրասենյակի ուղղությամբ հետախուզական օպերացիայի ընթացքում ԱՄՆ-ի հատուկ նշանակության ջոկատն ընկել է գնդակոծության տակ։ Օպերացիայի ընթացքում ամերիկյան զինվորները ձերբակալումներ չեն իրականացրել։ Օպերացիայի իրականացումը սանկցիավորել է ԱՄՆ նախագահ Դոնալդ Թրամփը։ Օպերացիայի արդյունքում ամերիկացի 1 զինվոր է զոհվել, եւս 3-ը՝ վիրավորվել։ ԱՄՆ-ի հատուկ նշանակության ջոկատներին հաջողվել է 14 զորայինի ոչնչացնել եւ տիրանալ կարեւոր տեղեկատվության։

ՀԱՅԱՍՏԱՆ։ Հունվարի 28՝  հայկական բանակի օր, բանակ չտեսած պաշտպանության նախարարով։ Հողերդ գլխին, ազգ։ Շնորհավո՛ր։

 Հ.Գ. «Week End»/ ուիք էնդ (շաբաթվա վերջ, հանգստյան օրեր)։

Ծառայություններ

Թերթի արխիվ

Երկ Երե Չոր Հին Ուր Շաբ Կիր
          1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30