Ճաշ եւրոպացիների հետ

Հանդիպմանը քննարկվել են Հայաստան-ԵՄ համագործակցության ներկա ընթացքը եւ նախատեսվող բարձր մակարդակի շփումներն ու ձեռնարկվելիք քայլերը։ Նալբանդյանը եվրոպացի դեսպաններին է ներկայացրել անցյալ շաբաթ Հայաստանի սահմանին ու Լեռնային Ղարաբաղի հետ շփման գծում Ադրբեջանի կազմակերպած սադրիչ դիվերսիոն գործողությունների արդյունքում ստեղծված իրավիճակը։ Հիշեցնենք, որ սահմանին տեղի ունեցած վերջին միջադեպերի կապակցությամբ հատկապես ակտիվ արձագանք է եղել ԵՄ-ի կողմից, որը, ի դեպ, վերջին շրջանում առանց նախապայմանների մուտք է պահանջում Լեռնային Ղարաբաղ եւ հարակից տարածքներ։