|
Ճգնաժամ է: Հիրավի: Հաստատ: Նոր-նոր գլխի ընկա: Ընտրություններ պիտի լինեն:
Հաշված օր էլ իսկի չի մնացել: Հանրապետական խրոխտ կուսակցությունը բիտում
ու ավազ, խիճ ու ասֆալտ է կրում բեռնատարներով, մամլիչ գլանամեքենաները մարտի
մեկի Բե Էմ Պե-ներից էլ դանդաղ ու հանդիսավոր մուտք են գործում այս ու այն
թաղը, որ գլանեն նախընտրական ասֆալտը` Չոռնի Գագոյի կպրաձյութն ու ասֆալտը,
խիճն ու ավազը մամլեն` զոհաբերեն քաղաքացիներիս բեկբեկուն թասիբին, որպեսզի
հանկարծ քաղաքապետ չդառնա այնպիսի մեկը, որ կարծում է թե քաղաքապետը նա է,
որ մարդկանց տան մոտից ասֆալտ... ըըը, կներեք, աղբը կրում-տանում է Նուբարաշենի
աղբավայր...
Մ.Մ.
|
Վաղուց
հայտնի է, որ մարդիկ ամենաշատը սուտ են խոսում ընտրություններից առաջ եւ
որսից հետո։ ՀՀԿ-ի նախընտրական քարոզարշավի հիմքում, օրինակ, այն «գաղափարն»
է, որ այսօր բյուջեից «բոլ-բոլ» ֆինանսավորվող ասֆալտապատումն ու «բակերի
բարեկարգումը» ոչ մի կապ չունի առաջիկա ընտրությունների հետ, եւ իրենք ընտրություններից
հետո էլ են շարունակելու նույն տեմպերով աշխատել։ 
Երեկ
Ավան համայնքում Հայ ազգային կոնգրեսը անցկացրեց իր հերթական նախընտրական
հանդիպումը: Հանդիպմանը հետեւեց հզոր երթը. միջադեպեր չեղան, սադրիչներ գործի
չդրվեցին (նրանք խումբ-խումբ լուսամուտներից կախված հետեւում էին իրադարձություններին),
ոստիկանությունն էլ ջանք թափեց, որպեսզի հանկարծ «միամիտ» չխոչընդոտի ընդդիմության
միջոցառումներին: 
Հարցազրույց
Հայ ազգային կոնգրեսի ներկայացուցիչ, Երեւանի նախկին քաղաքապետ Վահագն Խաչատրյանի
հետ:
Այն
բանից հետո, երբ Եվրոպան որոշեց աշխարհի 3-րդ կարգի երկրներին ներգրավել
«Եվրատեսիլ» միջազգային փառատոնին, Հայաստանն սկսեց լրջորեն զբաղվել մեր
երգով, պարով, հազարամյա պատմությամբ աշխարհին ներկայանալու եւ ցնցելու գործով:
Չափազանց մանրակրկտորեն, ամբողջ հոգով կպան գործի:
