|
«Սթար» սուպերմարկետում ահագին տարեց մի տղամարդ, ըստ էության` խորը պապիկ,
բավական երիտասարդ, ըստ էության` պատանի, դրամարկղի տղային, գնումներից հետո
հարցրեց .« Դու կիմանաս: «Բջնի» ինչի՞ չկա»: Ըստ էության պատանի երիտասարդը`
դրամարկղի տղան, թեթեւ այլայլվելուց հետո հապաղեց, ապա` «Գիտե՞ք, վաղուց
չկա», ասաց: Ահագին տարեց, ըստ էության խորը պապիկ տղամարդը չհասկացավ պատասխանը,
քանի որ ինքը այլ բան էր հարցրել: Բարեբախտաբար սպասողներից մեկը պապիկին
բացատրեց, թե գործարանն առայժմ փակ է, խնդիրներ կան, որոնք թերեւս կհաղթահարվեն,
ինչից հետո արդեն...
Մ.Մ
|
2009թ.
«Եվրատեսիլը» հայերի համար վերածվեց նեւրատեսիլի: Խնդիրն, իհարկե, Ինգա եւ
Անուշ Արշակյանների զբաղեցրած 10-րդ հորիզոնականը չէ, նրանք շատ լավ երգեցին:
Այլ հարց է, որ չէր կարելի նման վատ երգով ներկայանալ ողջ Եվրոպային, այն
էլ` ինչ-որ անհասկանալի բուրյաթական կամ ուդմուրտական տարազով:
Երեկ Հայ ազգային կոնգրեսը նախըտրական հանդիպումների շրջանակում հյուրընկալվեց
Շենգավիթ համայնքում: Գարեգին Նժդեհի հրապարակում հավաքված հազարավոր մարդիկ
եկել էին հաստատելու, որ իրենք մայիսի 31-ին կայանալիք քաղաքապետի ընտրություններին
իրենց ձայնը տալու են ՀՀ առաջին նախագահ Լեւոն Տեր-Պետրոսյանի գլխավորած
ՀԱԿ ցուցակին: «Արդեն մեռած մարդկանց ցուցակները կազմել ու տվել են իրենց
հանձնաժողովի անդամներին». դժգոհում էին շենգավիթցիները` ընդգծելով, որ իրենց
համայնքը Երեւանի ամենակեղտոտ եւ անճաշակ համայնքներից է:
Վերջերս
ՀՀ գլխավոր դատախազության կոլեգիայի ժամանակ գլխավոր դատախազ Աղվան Հովսեփյանն
ՀՀ ոստիկանության աշխատանքը գնահատեց անբավարար եւ ավելացրեց, որ ոստիկանությունը
որոշ հանցագործություններ թաքցնում է: Աղվան Հովսեփյանը հայտարարեց նաեւ,
թե լավ կլիներ, որպեսզի ոստիկանությունն աշխատեր այնպես, ինչպես գլխավոր
դատախազությունը` բաց եւ թափանցիկ:
