|
Երեկ ՀՀ կառավարության նիստում վարչապետ
Տիգրան Սարգսյանը հայտարարել է, թե որոշել է փոփոխություններ կատարել կառավարության
1999թ. հունիսի 10-ի «ՀՀ պետական եւ այլ հիմնարկների արտաբյուջետային միջոցների
սպասարկման, հաշվառման եւ վերահսկողության կարգը հաստատելու մասին» որոշման
մեջ: Համաձայն այս որոշման` բոլոր գերատեսչությունների արտաբյուջետային ֆոնդերի
վերահսկումն իրականացնելու է ՀՀ ֆինանսների նախարարությունը: Ի դեպ` վարչապետն
երեկ հայտարարել է, թե այս օրերին բուռն քննարկման առարկա են դարձել արտաբյուջետային
ֆոնդից պետական եկամուտների կոմիտեի տարեվերջին կատարած ծախսերը (Գագիկ Խաչատրյանն
իր 20 աշխատակիցներին խրախուսել է 1 միլիոնանոց ժամացույցներով): Նկատենք,
որ զուր է Տիգրան Սարգսյանն ակնարկել, թե այս եւ նմանատիպ այլ շռայլությունների
մասին իրենք երբեմն մամուլից են իմանում: Գագիկ Խաչատրյանի մասով հաստատ
ստում է: Բանն այն է, որ թանկարժեք ժամացույցների պատմությունը մամուլի ուշադրության
կենտրոնում հայտնվեց այն բանից հետո, երբ դրա մասին համապատասխան տեղեկանք
տրամադրեց «Ասպարեզ» ակումբը: Իրականում մինչ այդ ՀՀ կառավարության էլեկտրոնային
կայքում, մասնավորապես` www.gov.am/am/transparent/ հասցեում, PDF ֆայլով
արդեն տեղադրված էր այս տեղեկությունը (ի դեպ, բոլոր գերատեսչությունների`
մեկ աղբյուրից գնումների մասին տեղեկությունը այստեղ, սովորաբար, տեղադրվում
է):
Եվ վատ է, որ մեր բլոգեր վարչապետը իր իսկ ղեկավարած կառավարության կայքում
զետեղված ինֆորմացիան իմանում է մամուլից եւ անմիջապես սկսում է մտածել`
ինչպես ուժեղացնել գերատեսչությունների ֆինանսական վերահսկողությունը: Համենայնդեպս`
ֆինանսների նախարարության վրա կանգնելը այնքան էլ ազնիվ չէ: Փաստն այն է,
որ ընդամենը երկու ամիս առաջ ֆինանսների նախարարությունն իր ստուգիչ վերահսկողական
ծառայությանը` որպես խրախուսանք, 30 միլիոն դրամից ավելի փող է հատկացրել:
Ի դեպ` նախարարությունը դա արել է հենց իր արտաբյուջետային միջոցներից:
|
Միջազգային
հեղինակավոր կազմակերպությունները մեկը մյուսի հետեւից զեկույցներ են հրապարակում
Հայաստանի մասին, եւ այդ զեկույցներում, մեղմ ասած, խստագույն քննադատության
են ենթարկում Հայաստանի իշխանություններին: Նախօրեին «Human Rights Watch»
կազմակերպությունն, օրինակ, իր զեկույցում արձանագրել էր, որ Հայաստանի իշխանությունները
դեռեւս պատշաճ ձեւով չեն հետաքննել մարտի 1-ի իրադարձությունները, եւ մտահոգություն
էր հայտնել 17 քաղբանտարկյալների կապակցությամբ, իսկ դրանից ընդամենը մի
քանի օր առաջ «Freedom House» կազմակերպությունն էր անդրադարձել Հայաստանին
եւ արձանագրել, որ մեր երկիրն առանձնապես չի տարբերվում աֆրիկյան բռնապետություններից:
Մխիթար
Հերացու անվան պետական բժշկական համալսարանը հայտնվել է հերթական սկանդալային
պատմության մեջ: Պատճառը կրկին բուհի ռեկտոր Գոհար Քյալյանն է, որի հերթական
հիստերիան եւ լրբությունն ավարտվել է նրանով, որ մի ամբողջ ամբիոն պարզապես
կազմալուծվել է` Անեսթեզոլոգիայի եվ ինտենսիվ թերապիայի ամբիոնի աշխատակիցները
գրեթե ողջ կազմով դիմում են գրել եւ հեռացել ամբիոնից:
