|
Երեկ 12 կազմակերպություն հանդես է եկել հայտարարությամբ, որով պահանջում
են անհապաղ դադարեցնել Նիկոլ Փաշինյանի նկատմամբ իրականացվող քաղաքական հետապնդումը
եւ ազատ արձակել նրան: «Հելսինկյան քաղաքացիական ասամբլեայի» Վանաձորի գրասենյակը,
«Թրանսփարենսի Ինթերնեշնլ» հակակոռուպցիոն կենտրոնը, «Հելսինկյան քաղաքացիական
ասամբլեայի հայաստանյան կոմիտեն», «Երիտասարդություն հանուն ժողովրդավարության»
կազմակերպությունը, «Իրավունքի եւ ազատության կենտրոնը», «Փաստաբաններ մարդու
իրավունքների համար», «Հույս», «Զարթոնք 89», «Քաղաքացիական ազգային նախաձեռնություն»,
«Մենք+», «Ժուռնալիստների «Ասպարեզ» ակումբ», «Էկոդար» կազմակերպությունները
արձանագրել են, որ ««Հայկական ժամանակ» օրաթերթի գլխավոր խմբագիր Նիկոլ Փաշինյանի
ողջ դատաքննության ընթացքում որեւէ հիմնավորում չներկայացվեց նրա կողմից
զանգվածային անկարգություններ կազմակերպելու առումով:
|
Դաշնակցական
Հրայր Կարապետյանը երեկ հայտարարել է, թե եթե Ադրբեջանը վերսկսի ռազմական
գործողությունները, այս անգամ ոչ թե յոթ շրջան կկորցնի, այլ պետականությունը:
Ապրի՛ Հրայր Կարապետյանը: Եվ ընդհանրապես, տեղն է այդ սրիկաներին. թող իմանան,
որ հաջորդ անգամ Բաքուն ենք գրավելու: Ընդ որում, նույն ելույթում բանավոր
հայրենասիրության այդ քայլող լեգենդը տեղեկացրել է նաեւ, որ հայկական բանակը
զինակոչի հետ կապված լուրջ պրոբլեմներ ունի, որովհետեւ հիմա արդեն զորակոչվում
են «մթի ու ցրտի տարիներին» ծնվածները, դրա համար էլ պայմանագրային զինծառայության
առավելագույն տարիքը հասցվել է 50-ի:
Հարցազրույց
ԵԽԽՎ հայաստանյան պատվիրակության արդեն փոխարինող կազմի ներկայացուցիչ, ՀՀ
ԱԺ պատգամավոր Զարուհի Փոստանջյանի հետ, որն այս օրերին Ստրասբուրգում է:
Երկար
ու ձիգ ինը եւ ավելի տարիների աշխատանքից հետո, 350 մլն դրամ ներդրմամբ էկրանավորվել
է հայկական առաջին լիամետրաժ մուլտիպլիկացիոն ֆիլմը` «Սասնա ծռեր» հայկական
էպոսը: Նախօրեին «Մոսկվա» կինոթատրոնում մուլտիպլիկացիոն ֆիլմի պրեմիերան
էր: Արձագանքները եւ զգացողությունները տարբեր էին. «Էս ինչ հոլիվուդյան
մուլտերի ոճի հերոսներ են, էս ինչ են արել», «Լավ գործ էր, բավականին աշխատած»,
«Ես բան չհասկացա` ոչ հերոսներից, ոչ սյուժեից», «Երաժշտությունը շատ լավն
էր», «Բայց ձայնային խնդիրներ կային», «Նորից գնամ, էպոսը կարդամ, որ էս
մուլտը դիտելուց հետո չմոռանամ», «Ազդեցիկ էր, հատկապես Խորիկի ձայնը»...
