|
Գլո՛ւխը, գլո՛ւխը, գլո՛ւխը փտած է: Պետությունը` ձուկ, գլուխը` փտած: Լեզուն`
մշակույթ ու գիտություն, լեզուն` գիտելիք, կառույց, շաղախ, որ Չինական Պատից
էլ առաջ եղել ու պահել է էս` եղածը, պակասողը, վերացման ենթական, բայց Աստծո
բարյացակամությամբ ԴԵՌ գոյատեւողը, անունը հայություն դնենք, պետություն,
ազգ կամ մշակույթ:
Մ.Մ.
|
Բանից
պարզվում է՝ Կիեւում Սերժ Սարգսյանը չի ընդունել Թուրքիայի արտգործնախարարին:
Պարզապես միջանցքում հանդիպել է նրան ու մի քանի ցուրտ խոսք ասել: Նախ՝ հայտարարել
է, թե եթե թուրքերն «ամենակարճ ժամանակահատվածում» տրամաբանական ավարտին
չհասցնեն գործընթացը (այսինքն՝ չվավերացնեն արձանագրությունները), Հայաստանը
հետ կկանչի իր ստորագրությունը, հետո էլ կարծիք է հայտնել, թե «որեւէ բան
չի խանգարում Թուրքիայի գործադիր իշխանությանը, անգամ մինչեւ արձանագրությունների
վավերացումը, բացել իր կողմից փակած սահմանը երկու պետությունների միջեւ»:
Մինչ
ոստիկանության բարձրաստիճան այրերն իրար հետեւից ասուլիսներ են հրավիրում
եւ ամեն առիթով ու անառիթ բարձրաձայնում, թե ճանապարհային երթեւեկության
ոլորտում իրենք լուրջ հաջողություններ են գրանցել, Հայաստանի «արտոնյալ խավի»
ներկայացուցիչները շարունակում են խախտել օրենքներն ու անարգել երթեւեկել
այնպես, ինչպես ցանկանում են:
