|
Այսպիսով, հայկական դրամը կամաց-կամաց արժեզրկվում է: Շատ չէ, օրը մեկ-երկու
նիշով: Բայց նաեւ չի կարելի պնդել, թե Կենտրոնական բանկը չի միջամտում գործընթացին:
Լավ էլ միջամտում է, բայց՝ ոչ նախկին ծավալներով: Իրենք են ավելի խելոքացել,
թե արտաքին պահուստներն են սպառման եզրին՝ դժվար է ասել, բայց փաստն այն
է, որ հայկական դրամի փոխարժեքը նվազում է բոլոր հիմնական տարադրամների նկատմամբ:
Ընդ որում, դրամի արժեզրկումն ինքնին տնտեսության վիճակը գնահատելու ամենաճշգրիտ
միջոցը չէ. հզոր եւ դինամիկ զարգացող երկրների արժույթներն էլ են ժամանակ
առ ժամանակ արժեզրկվում: Շատ ավելի կարեւոր են այդ արժեզրկման «կարճաժամկետ»
եւ «երկարաժամկետ» պատճառները: Իսկ եթե հարցին նայում ենք հենց այս տեսանկյունից,
միանգամից հասկանալի է դառնում, որ Հայաստանի տնտեսությունը բառիս բուն իմաստով
աղետալի վիճակում է:
ԳՐԻԳՈՐ ՈՍԿԱՆՅԱՆ
|
Սերժ Սարգսյանի փարիզյան հանդիպումները, դատելով ամեն ինչից, որեւէ կոնկրետ
արդյունք չեն ունեցել: Համենայն դեպս՝ Սարգսյան-Սարկոզի հանդիպման մասին
իրենց հաղորդագրություններում իշխանական լրատվամիջոցները սահմանափակվում
են պաշտոնական, ոչինչ չասող ձեւակերպումներով: Իսկ դա իր հերթին նշանակում
է, որ մեծ հաշվով՝ ասելիք չկա:
Գրեթե
մեկ տարի առաջ նախկին մարզպետ Հենրիկ Քոչինյանը նշանակվեց Վանաձորի հարկային
տեսչության պետ: Սակայն մոտ մեկ ամիս առաջ նրան այս պաշտոնից եւս ազատեցին,
քանի որ, ըստ տեղեկությունների, թաքցրել է Վանաձորում գրանցված իրական հարկատուների
գրեթե կեսին: Այսինքն, հարկատուները կան, սակայն նրանց վճարած հարկերը չեն
մուտքագրվել պետբյուջե: «ՉԻ» աղբյուրների հաղորդմամբ, այս մասին համապատասխան
մարմինները զեկուցել են Սերժ Սարգսյանին, որն էլ խիստ բարկացել եւ աշխատանքից
ազատել է Քոչինյանին:
Լուսանկարի
երիտասարդը «Ժառանգություն» կուսակցության մամլո խոսնակ Հովսեփ Խուրշուդյանն
է: Նա Աբովյան փողոցը հատում է հետիոտների համար չնախատեսված հատվածով: Խուրշուդյանը,
տեսնելով մեր ֆոտոլրագրողին, իհարկե, մի փոքր անակնկալի է եկել, բայց արդեն
ուշ է եղել` սխալն ուղղելու համար: Խախտումն արձանագրված էր:
Երկու
տարի առաջ Դավիթ Մաթեւոսյանի «Ալպիական մանուշակ» կինոնախագիծը` որպես լավագույն
խաղարկային ֆիլմի երկու նախագծերից մեկը, արժանացավ «Ռեժիսորներ առանց սահմանի»
(«Ոսկե ծիրան» կինոփառատոն) միջազգային պրոդյուսերական մրցույթի մրցանակին:
Թվում է` պետք է որ արդեն ավարտված լինեին ֆիլմի նկարահանման աշխատանքները,
բայց «Ալպիական մանուշակը» դեռ նախնական փուլում է, ընդ որում` հերթական
անգամ:
Երեկ
հարկադիր ծառայության աշխատակիցները` առանց նախազգուշացման ներխուժել են
Աբովյան փողոցի վրա գտնվող «Միլանո» հագուստի եւ կոշիկի խանութ-սրահ եւ այնտեղից,
առանց համապատասխան որոշում ներկայացնելու, հարկադրաբար դուրս հանել խանութի
գույքը: Նշենք, որ «Միլանո» խանութը պատկանում է «Օլիմպ» արտադրական կոոպերատիվին,
որի սեփականատերն է Հովհաննես Ղուկասյանը: Խանութը եռահարկ է, տարածքը բաղկացած
է երկու հատվածից` «Միլանո» խանութի տարածքը եւ պահեստային տարածքը, որի
մասով արդեն երկու տարի է, ինչ վտարման վճիռը օրինական ուժ է ստացել:
