|
«Սխալվում են բոլոր նրանք, ովքեր ասում են, թե Լեռնային Ղարաբաղի խնդրի լուծում
չկա: Լուծում կա, եւ շատ մանրակրկիտ, մանրամասն լուծում է, շատ անելիքներ
էլ չկան, պարզապես կարեւոր է լինել պատրաստ ներքաղաքական սպասվող բանավեճին»,
երեկ Երեւանում մեկնարկած ՆԱՏՕ-ի Խորհրդարանական վեհաժողովի Ռոուզ-Ռոթ սեմինարի
ժամանակ հայտարարել է ԵԱՀԿ Խորհրդարանական վեհաժողովի ԼՂ հարցով հատուկ զեկուցող
Գորան Լենմարկերը եւ ավելացրել, որ այս հարցում պահանջվում է ոչ միայն մեծամասնության
օժանդակությունը, այլեւ ողջ հանրության, «որովհետեւ կարող են լինել փոքր
խմբեր, որոնք կարող են խոչընդոտել լուծմանը»:
|
Ղարաբաղի
հարցով Եվրախորհրդի Խորհրդարանական վեհաժողովի հատուկ ներկայացուցիչ Գորան
Լենմարկերի երեկվա ելույթը, պարզվում է, շատերին է անհանգստացրել: Ինչո՞ւ:
Որովհետեւ նա հրապարակավ այնպիսի մտքեր է արտահայտել, որոնց շուրջ բարձրաստիճան
դիվանագետները սովորաբար գերադասում են լռություն պահպանել: Նա, օրինակ,
հայտարարել է, թե ղարաբաղյան խնդրի վերջնական լուծում լավ էլ կա, ավելին՝
այդ լուծումը վաղուց ամենայն մանրամասնությամբ մշակված է, Հայաստանի եւ Ադրբեջանի
իշխանություններն էլ կարծես թե պատրաստ են ընդունել այդ լուծումը, եւ մնացել
է ընդամենը մի «մանրուք»՝ որ երկու երկրները հաղթահարեն «ներքին դիմադրությունը»:
Երեկ «Դուպլեքս» ակումբում լրագրողների հետ հանդիպման ժամանակ ՀՀ Ճանապարհային
ոստիկանության պետ գնդապետ Մարգար Օհանյանը՝ ի պատասխան այն հարցադրմանը,
թե ովքե՞ր են ամենից շատ խախտում ճանապարհային երթեւեկության կանոնները`
սովորական քաղաքացիները, թե՞ բարձրաստիճան պաշտոնյաներն ու ուժային կառույցների
ներկայացուցիչները, պատասխանեց, թե օրենքի առջեւ բոլորն էլ հավասար են, այնպես
որ, ՃՈ տեսուչի համար տարբերություն չկա, թե ով է օրինախախտը: Ավելին, նա
ընդգծեց, թե ամենաօրինապահ վարորդները բարձրաստիճան պաշտոնյաներն են եւ կանայք:
