|
Երեկ ԱԺ պատգամավորներից մեկը «ՉԻ» հետ զրույցում ասաց, որ իրեն զանգահարել
է ինչ-որ անհայտ թերթից ներկայացած լրագրող եւ հարցրել` եթե առաջիկայում
պատերազմ լինի, կմասնակցե՞ք: Այստեղ խնդիրը ոչ թե այն է, թե ինչ է պատասխանել
պատգամավորը, այլ այն, որ մենք էլի «հայտնաբերեցինք» պատգամավորների, որոնց
այս ընթացքում զանգահարել են ինչ-որ անհայտ լրատվամիջոցների ներկայացուցիչներ
ու նույն հարցը տվել: Սա նշանակում է, որ իշխանական դաշտում փակ հարցումներ
են անցկացվում պատերազմի հավանականության թեմայով, որպեսզի պարզեն, թե պատգամավորներից
քանի՞սն է պատրաստ զենք վերցնել եւ պաշտպանել հայրենիքի սահմանները:
|
Ինչպես հայտնի է, Սերժ Սարգսյանը «Եվրանյուզին» տված հարցազրույցում հենց
եթերից Ադրբեջանին առաջարկել էր ուժի չկիրառման վերաբերյալ համաձայնագիր
ստորագրել: Ադրբեջանական կողմը շատ արագ էր արձագանքել այդ առաջարկին՝ կտրուկ
մերժելով այն եւ փոխարենն ինչ-որ անհեթեթ առաջարկներ ներկայացնելով: Ի պատասխան,
մեր արտգործնախարարությունն իր հերթին բավականին կոշտ գնահատականներ էր տվել
այդ պատասխանին: Մի խոսքով, դատելով ամեն ինչից, հայ-ադրբեջանական երկխոսությունը
կայծակնային արագությամբ վերածվում է սովորական լեզվակռվի, որտեղ «կառուցողականության
տարրերն» իսպառ բացակայում են, եւ ամեն ինչ տեղի է ունենում «էլ գող փիսո,
էլ քաչալ շուն» տրամաբանությամբ:
Հարցազրույց
ԱԺ պատգամավոր, «Նիգ-Ապարան» հայրենակցական միության խորհրդի անդամ Լյովա
Խաչատրյանի հետ: