|
Ավարտվեց մոնոներկայացումների «Արմմոնո» միջազգային թատերական 8-րդ փառատոնը:
Համընդհանուր ճահճացման մեջ «Արմմոնոն» թեթեւ քամի էր, մի քիչ թարմ օդ: Հայաստան
էին եկել Գենադի Խազանովը (Մոսկվայի պետական էստրադային թատրոն, «Ես վերհիշում
եմ»), Դանիել Լյուդվիգը (Շվեյցարիա, «Մուհամեդի ճանապարհորդությունը»), Յանոշ
Ստոլարսկին (Լեհաստան, «Կարմիր կոշիկների վրեժխնդրությունը»), Յուրի Կրասկովը
(Մոսկվայի Վախթանգովի անվան թատրոն, «Խելագարի հիշատակարանը»), Վերա Մյվովոիչը
(Սերբիա, «Սոնեչկա»), Ժիրայր Թորիկյանը (Ֆրանսիա, «Հայկական համերգը կամ
թուրքական ասացվածքը»), Յանոշ Ստոլարսկին (Լեհաստան, «Ծածկագիր»), Ալեքսանդրաս
Ռուբինովասը (Լիտվա, «Կոբա»), Օլգա Կուզինան (Ջիգարխանյանի ղեկ. Մոսկվայի
պետական դրամատիկական թատրոն, «Ես եմ ճայը»):
ՄԱՐԻՆԱ ԲԱՂԴԱԳՅՈՒԼՅԱՆ
|
«Հայկական
կողմի հնարավոր փոխզիջումների» մասին Սերժ Սարգսյանի վերջին հայտարարությունները
Հայաստանում բուռն արձագանքներ են առաջացրել: Բնականաբար, այդպես էլ պիտի
լիներ, բայց քննարկումները մի տեսակ սխալ հունով են ընթանում: Ի՞նչ է տեղի
ունենում: Հանրապետականներն ասում են «ամեն ինչ նորմալ է», մյուս բոլորն
ասում են «ամեն ինչ խայտառակ վատ է», եւ բանավեճը կամաց-կամաց վերածվում
է սովորական լեզվակռվի: Հիմա էլ ահա կարծիքներ են հնչում, թե արմատական ընդդիմությունն
ու Սերժ Սարգսյանը Ղարաբաղի հարցում առանձնապես տարաձայնություններ չունեն,
հետեւաբար՝ քաղաքական դաշտում պիտի ձեւավորվի նոր, հզոր ընդդիմություն, որի
հիմնական կարգախոսը պիտի լինի «ոչ մի զիջում» թեզը:
Երեկ
ՀՀ Վերաքննիչ քաղաքացիական դատարանը` նախագահությամբ դատավոր Ամրահի Պետրոսյանի,
մասնակցությամբ դատավորներ Խառատյանի եւ Մատինյանի, հրապարակեց վճիռը` կապված
«Չորրորդ իշխանություն» թերթի հրատարակիչ «Օգոստոս» գործակալության ՍՊԸ-ի
բողոքն ընդդեմ «Գինդ» տպարանի գործի հետ: Ինչպես արդեն նշել ենք, «Օգոստոսը»
բողոքարկում էր Կենտրոն եւ Նորք-Մարաշ վարչական շրջանների ընդհանուր իրավասության
դատարանի վճիռը, որով դատարանը բավարարել էր «Գինդ» տպարանի հայցն ընդդեմ
«Օգոստոս» գործակալության: Արդյունքում` արգելվել էր «Չորրորդ իշխանություն»
թերթի տպագրությունը որեւէ այլ ՍՊԸ-ի կողմից որեւէ տպարանում, միաժամանակ
որոշվել էր, որ «Օգոստոս» գործակալությունը 2.6 մլն դրամ պարտքը` տույժերի
հետ միասին, պետք է վճարի տպարանին:
Երեւանի
Մնջախաղի պետական թատրոնը, Երեւանի պետական կրկեսը, ՀՀ Մշակույթի նախարարությունը
եւ Ազգային ժողովը համատեղ մշակել են Լեոնիդ Ենգիբարովի մեծարման միջոցառումներ:
Ժիրայր Դադասյանը, Սոս Պետրոսյանը, Մշակույթի նախարարության ներկայացուցիչ
Սոնա Հարությունյանը եւ Ազգային ժողովի մշակութային կապերի համակարգող Արմինե
Անտիկյանը «Նովոստի» ակումբում երեկ ներկայացրին հոբելյանական միջոցառումների
շարքը:
