|
Նա 10 տարեկան էր երկու հազար տարի առաջ այս օրերին: Նրա նահատակությանը`
Չարչարանքներին ու Խաչվելուն 23 տարի էր մնացել: Զատիկ էր: Եբրայական Զատիկ:
Գաղիղեոց, Արամեից, Ասորացոց, Հրեից ` մոտ ու նման ցեղերի, ազգերի կրոնական
ու ժողովրդական տոն էր` պատերազմից պատերազմ, երաշտից լիություն ու դարձյալ
երաշտ, չքավորությունից հարկահանություն ու Հռովմեացոց բռի տիրապետում, սեփական
քուրմերի, թագավորների առաքինի վարքից մինչեւ արվամոլություն ու մանկապղծություն`
նրանց բոլորի առօրյան, բոլոր էդ ժողովուրդների ու մարդկանց օրավուրը երեւի
այդ էր, այդպես էր:
Մ.Մ. |
Վարչապետ
Տիգրան Սարգսյանը երեկ բուժզննում է անցել: Դրանում տարօրինակ ոչինչ չկա.
եղանակները փոփոխական են, ամեն մեկն էլ կարող է փռշտալ եւ այդ առթիվ բուժզննում
անցնել: Տարօրինակն այն է, որ գրեթե բոլոր լրատվամիջոցները օպերատիվ կերպով
արձագանքել են այդ լուրին: Թե ինչու՝ երեւի հասկանալի է: Եթե առաջիկայում
Հայաստանում վարչապետ փոխվի, պաշտոնական բացատրությունն ամենայն հավանականությամբ
կլինի այն, որ “Տիգրան Սարգսյանն առողջական խնդիրներ ունի”: Ինչեւէ. Տիգրան
Սարգսյանին մաղթենք քաջառողջություն եւ անցնենք առաջ:
Հրանտ
Մաթեւոսյանի 75-ամյակի առիթով Սլավոնական համալսարանում հայոց լեզվի եւ գրականության
ամբիոնի ջանքերով ցերեկույթ էր կազմակերպվել` նվիրված մեծ գրողի հիշատակին:
“Նպատակը մեկն է. որպեսզի յուրաքանչյուրս մեկ անգամ եւս կարդանք, արժեւորենք
Մաթեւոսյանի գրականությունը”,- ասաց հայոց լեզվի ու գրականության ամբիոնի
դասախոս Ժենյա Ռոստոմյանը:
