|
Երեկ մեկնարկվել է Ազգային ժողովի հերթական քառօրյան: Պարզվել է, որ ապրիլի
22-ին Սերժ Սարգսյանի հրամանագրով կասեցված հայ-թուրքական արձանագրությունների
փաթեթը հանվել է միայն Ազգային ժողովի քառօրյա նիստերի օրակարգից: Այն, սակայն,
մնացել է մեծ օրակարգում: Երեկ ԱԺ նախագահ Հովիկ Աբրահամյանը, պատասխանելով
«Ժառանգություն» խմբակցության պատգամավոր Արմեն Մարտիրոսյանի այն հարցին,
արդյոք հայ-թուրքական արձանագրությունների քննարկումը ընդհանրապես հանվել
է խորհրդարանի օրակարգից, արձագանքել է. «Դրանք հանվել են ընդհանուր առմամբ
քառօրյայից, մեծ օրակարգում մնում են»: Իր հերթին ԱԺ պատգամավոր Վիկտոր Դալլաքյանն
էլ պարզաբանել է. «Ազգային ժողովի կանոնակարգ» օրենքի համաձայն, մեծ օրակարգում
ընդգրկված օրինագծի քննարկումը կարող է հետաձգվել առավելագույնը երեք նստաշրջանի
ընթացքում:
|
Ապրիլի
24-ը մնաց հետեւում: Ամեն ինչ եղավ ճիշտ այնպես, ինչպես կանխատեսվում էր:
Երեւանում այրվեցին Թուրքիայի դրոշներն ու մի քանի պաշտոնյաների լուսանկարները:
Թուրքիայի տարբեր քաղաքներում այրվեցին Հայաստանի դրոշներն ու Սերժ Սարգսյանի
լուսանկարները: Օբաման «ցեղասպանություն» բառը չարտասանեց: Նրա ուղերձից
դժգոհ մնացին ե՛ւ հայերը, ե՛ւ թուրքերը: Անցավ ընդամենը երկու օր, էմոցիաները
փոքր-ինչ հանդարտվեցին, եւ պարզվեց, որ համարյա ոչինչ չի փոխվել: Նույնիսկ
հայ-թուրքական արձանագրություններն են շարունակում մնալ Հայաստանի ԱԺ մեծ
օրակարգում: Իսկ Ամենայն Հայոց Կաթողիկոսը Բաքվում հռչակագիր է ստորագրում,
որտեղ խոսվում է նաեւ փախստականների վերադարձի մասին:
Օրերս
ՀՀ կրթության եւ գիտության նախարար Արմեն Աշոտյանի հրամանով փակվեցին երեք
մասնավոր դպրոցներ: ԿԳՆ համապատասխան լիցենզիայից զրկվեցին Երեւանում գործող
«Հույսի փարոս» եւ «Կյանքի խոսք», Հրազդանում գործող «Բացվող այգ» մասնավոր
դպրոցները: Այս դպրոցներում ընդհանուր հաշվով սովորում են շուրջ 450 երեխաներ,
որոնց ծնողները հիմա ստիպված են լինելու ուսումնական տարվա ավարտից մեկուկես
ամիս առաջ փոխել իրենց երեխաների դպրոցները:
Սկիզբը`
նախորդ համարում 