|
ՀՀ տնտեսական մրցակցության պաշտպանության պետական հանձնաժողովն երեկ վարույթ
է հարուցել օղու շուկայում արձանագրված անբարեխիղճ մրցակցության փաստերի
առիթով։ Պարզվել է, որ ԱԺ պատգամավոր Սամվել Ալեքսանյանին պատկանող «Ալեքս
Գրիգ» ընկերության կողմից արտադրվող եւ իրացվող մի շարք անվանումներով օղիների
ապրանքային նշաններ, հնարավոր է` անբարեխիղճ մրցակցության դրսեւորում են։
Հանձնաժողովի մասնագետների նախնական գնահատմամբ` «Ալեքս Գրիգի» կողմից արտադրվող
«Զելյոնայա Մետկա», «Ռուդնիկ», «Ուկրաինա», «Խլոպցի», «Մեդոֆե», «Պրեմիում»,
«Խլեբնիյ Դար» անվանումներով օղիների պիտակների վրա զետեղված ապրանքային
նշանները կարող են շփոթություն առաջացնել այլ տնտեսվարող սուբյեկտներին սեփականության
իրավունքով պատկանող եւ նրանց անուններով գրանցված ապրանքային նշանների նկատմամբ։
|
Ամեն
անգամ, երբ խոսք է գնում Շուշիի ազատագրման կամ ընդհանրապես ղարաբաղյան պատերազմում
տարած հաղթանակի մասին, սովորության համաձայն բոլորն ասում են, որ պետք չէ
առանձնացնել որեւէ մեկի դերակատարումը, որովհետեւ այդ պատերազմում ազգովի
ենք հաղթել։ Իրականում, իհարկե, այդպես չի եղել։ 
Շարունակելով
Սեւանի ափամերձ տարածքների վերաբերյալ «ՉԻ» հետաքննության շրջանակներում
կատարված «լրագրողական տեղազննության» մասին պատմող մեր ռեպորտաժը, ներկայացնենք
Նորատուսի կանգառին վերաբերող մասը։ Այստեղ «Տրի գրեն» ընկերության ղեկավար
Արթուր Վանյանը մեզ ցույց էր տալիս, թե ամիսներ շարունակ ինչ մաքրման աշխատանքներ
է իրականացրել լճափին ու ինչ դժվարություններով։
Ելենա
Մելքոնյանը կարմիր բերետով, կոկիկ հագուկապով, «Красная Москва» օծանելիքի
բուրմունքով փոքրամարմին, շատ հաճելի տատիկ է։ 87 տարեկան է, բայց` առույգ,
միտքը սուր, հումորը՝ տեղը։ Եվ հարուստ կյանքի հուշերը պատմելիս ոչ լացուկոծն
է դնում, ոչ էլ փաստերն ու անուններն է խառնում։
Եվրամիության
բարձրաստիճան պաշտոնյաների հավաստմամբ, մեկ տարի առաջ` 2009 թվականի մայիսի
7-ին Պրահայում նախկին Խորհրդային Միության վեց երկրների հետ ստորագրված
Արեւելյան գործընկերության ծրագիրը այսօր էլ շարունակում է մնալ եվրոպական
ընտանիքի առաջնային ծրագրերից ու հետաքրքրություններից մեկը։
