Առաջին նախագահը Նորվեգիայի ԱԳ նախարարի հետ խոսել է ՀՀ-ում օրենքի իշխանության հաստատումից

Ինչպես տեղեկացնում են Կոնգրեսից, հանդիպման հիմնական թեմաներն են եղել Հայաստանի ներքաղաքական իրավիճակը, երկրի առջեւ ծառացած ինչպես ներքին, այնպես էլ արտաքին մարտահրավերները։ «Նախագահ Տեր-Պետրոսյանն ընդգծել է, որ Հայաստանի բոլոր ներքաղաքական խնդիրները, այդ թվում` կեղծված ընտրությունները, համակարգային կոռուպցիան, ժողովրդավարական ազատությունների, անկախ դատական համակարգի, լրատվամիջոցների ազատությունների բացակայությունն ածանցյալ են մեկ հիմնական խնդրից, որն է` Հայաստանում օրենքի իշխանության հաստատումը»,- տեղեկացնում են Կոնգրեսի գրասենյակից։ Ըստ այդմ, հանդիպման ընթացքում անդրադարձ է եղել նաեւ Լեռնային Ղարաբաղի հակամարտության եւ հայ-թուրքական հարաբերությունների կարգավորման խնդիրներին։