Ավելի լավ է Չինաստանի նախարարություն բացվի

«ՉԻ» - Տիգրան Դավթյանի տրամաբանությունը միանգամայն հասկանալի է. չի կարելի ստեղծել գոյություն չունեցող բանի նախարարություն։ Բայց մյուս կողմից էլ` այդ դեպքում անհասկանալի է, թե ինչո՞ւ գոյություն ունեն նույն էկոնոմիկայի նախարարությունը, արդարադատության նախարարությունը եւ այլն։ Համ էլ` Տիգրան Սարգսյանն ասել է, որ Հայաստանը չպիտի արտադրի այնպիսի ապրանքներ, որոնք արտադրվում են Չինաստանում, իսկ տեղեկատվական տեխնոլոգիաների նախարարությունը, ենթադրաբար, հենց նման ապրանքների արտադրությունը պիտի համակարգեր։ Այնպես որ` ավելի ճիշտ կլինի ստեղծել Չինաստանի նախարարություն։ Նախարարն էլ էն գլխից հայտնի է` վարչապետի եղբայրը. նա հիմա Հայաստանի դեսպանն է Չինաստանում։

Մի ուրիշ հարց էլ կա. նոր նախարարության անունը սիրուն չի հնչում։ Պատկերացրեք` վարչապետը Թաթայի համերգից հետո փորձի արտաբերել «տեղեկատվական տեխնոլոգիաների նախարարություն» բառակապակցությունը։ Կարգին ձայնային խոտան կստացվի։