Լուր
Իրանը նախազգուշացնում է
Ըստ նրա` ամբողջ աշխարհի կողմից Սիրիայի շուրջ բարձրացված ալիքը միայն ռազմական միջամտության ճանապարհով սիրիական հարցը լուծելու նպատակ է հետապնդում։
Լարիջանին կարծում է, որ ԱՄՆ-ը չի հասկանում, թե ինչ է կատարվում տարածաշրջանում։
«Սիրիան չի կարելի համեմատել Լիբիայի հետ։ Դամասկոսը «երկրորդ Բենղազի» դարձնելու ալիքը կհասնի նաեւ Պաղեստին։ Մոխիրն ու կրակն ի վերջո կհասնի նաեւ սիոնիստական ռեժիմին», - ասել է Լարիջանին։
ՄԱԿ-ում ԱՄՆ-ի ներկայացուցիչ Սյուզան Ռայսը, իր հերթին, հայտարարել է, որ սիրիական ճգնաժամի կարգավորման երեք տարբերակ կա։ Առաջինը դիվանագիտական ճանապարհն է, երկրորդը՝ սիրիական ռեժիմի դեմ ՄԱԿ-ի Անվտանգության խորհրդի պատժամիջոցներն են, եւ երրորդը՝ լայնածավալ ռազմական գործողությունների տարբերակն է, որի հետեւանքները կզգան տարածաշրջանի բոլոր երկրները։